Under 10-årsmarkeringa for forvaltningsrevisjon som spesialisert område i Riksrevisjonen, 7. november 2006, heldt Professor Per Lægreid frå Universitetet i Bergen eit foredrag om institusjonaliseringa av forvaltningsrevisjonen.
Lægreid har forska på Riksrevisjonen i mange år og er ein av dei som kjenner organisasjonen best. Han problematiserte Riksrevisjonen si rolle som på den eine sida er å vere hjelpeorgan for Stortinget, og samstundes er å stå for ein uavhengig kontroll. Eit av problema han løfta fram er at Stortinget ofte har utydelege mål, og det må utøvast skjønn når måla/vedtaka skal fortolkast.
Ljosbileta frå foredraget til Lægreid ligg som vedlegg til høgre på denne sida.