Dokument 3:3 (2025–2026) / Offentliggjort Bruk av teknologi for å flytte spesialisthelsetenester nær pasienten
Behov for sjukehustenester kjem til å auke framover. Stortinget forventar at fleire pasientar skal få tenestene i eller nær heimen ved hjelp av teknologi. Mange sjukehus har komme kort i å ta teknologien i bruk.
-
(PDF, 3,28 MB)
Last ned fullversjon
-
(PDF, 3,28 MB)
Les riksrevisors presentasjon
-
(Video fra 13.10.2025)
Sjå riksrevisors presentasjon
Kort bakgrunn
- Stortinget har over fleire år forventa at ein ved å ta i bruk ny teknologi og ulike former for digital heimeoppfølging i helsetenestene skal kunne halde oppe eit tenestetilbod av god kvalitet og bremse auken i behovet for personell i primær- og spesialisthelsetenesta.
- Pasientane skal i større grad skal kunne møte spesialisthelsetenesta i heimen ved hjelp av digital heimeoppfølging, nettbaserte behandlingstilbod og digitale konsultasjonar.
Overordna vurdering
-
Ikkje tilfredsstillande
-
Kritikkverdig
-
Sterkt kritikkverdig
Det er ikkje tilfredsstillande at
- mange sjukehus har komme kort i å ta i bruk ulike former for digital heimeoppfølging av pasientane sine
- sjukehus i liten grad har teke i bruk moglegheiter teknologien gir for å samarbeide med kommunar om tenester nærmare pasientane
- det manglar styringsinformasjon om bruk av digitale helsetenester bidreg til effektiv ressursbruk
Konklusjonar
Det er mogleg å auke bruken av ulike typar digital heimeoppfølging i spesialisthelsetenesta og å samarbeide meir med kommunar om dette
Bruken av digital heimeoppfølging har auka, men det er stor variasjon og mange når ikkje måla på området
- Bruken av digital heimeoppfølging har auka, men det er stor variasjon mellom helseføretaka.
- Det er framleis berre ein liten andel av pasientane som får denne typen oppfølging.
- Mange helseføretak når ikkje måla på området.
- Sjølv om pasientar med lengre reiseveg i større grad nyttar digitale tilbod, inneber variasjonen mellom helseføretak at pasientar sin tilgang til ulike former for digital heimeoppfølging avheng av kvar dei bur.
- Det finst moglegheiter for å i større grad koordinere eller tilby heildigitale tilbod frå éin stad i regionen eller nasjonalt, men dette er i liten grad gjort
Samarbeid med kommunar om å flytte spesialisthelsetenester nær pasienten er lite utbreidd
- Dei fleste forløpa helseføretaka så langt har flytta nær pasienten ved hjelp av teknologi, involverer ikkje den kommunale helse- og omsorgstenesta.
- Samstundes finst det gode døme på at spesialisthelsetenesta samarbeider med kommunar om slike tenester.
- Førebelse erfaringar er at ei meir integrert oppfølging av pasientar på tvers av nivå er positivt for pasientane og kan føre til betre samla ressursbruk.
- Denne typen samarbeid er relativt lite utbreidd.
Figur: Spesialisthelsetenester som blir tilbodne nær pasienten
ved hjelp av teknologi
Føretaka og Helse- og omsorgsdepartementet kan leggje betre til rette for arbeidet med å flytte spesialisthelsetenester nærmare pasienten ved hjelp av teknologi
- Helseføretak som har komme langt med digital heimeoppfølging, har ei tydeleg satsing og har lagt til rette for å ta i bruk nye tenesteformer gjennom å etablere støttetenester og prioritere ressursar til arbeidet.
- Regionale helseføretak legg i ulik grad til rette for å flytte spesialisthelsetenester nærmare pasienten ved hjelp av teknologi.
- Helse- og omsorgsdepartementet har gitt oppdrag om å auke bruken av digital heimeoppfølging, men det er uvisst om finansieringa er godt nok innretta for dette.
Føretaka og Helse- og omsorgsdepartementet har lagt lite vekt på samarbeid med kommunehelsetenesta i styringa av arbeidet med å flytte spesialisthelsetenester nærmare pasienten ved hjelp av teknologi
- Helseføretak og regionale helseføretak har hatt lite merksemd på samarbeid med kommunehelsetenesta om digital heimeoppfølging.
- Statlege verkemiddel støttar i avgrensa grad opp under samarbeid med kommunar om å flytte spesialisthelsetenester heim ved hjelp av teknologi.
Styringsinformasjonen om bruk av digitale helsetenester bidreg til effektiv ressursbruk, er mangelfull på alle nivå
- Helseføretaka og dei regionale helseføretaka har så langt har lite kunnskap om effektar på ressursbruk av å flytte spesialisthelsetenester nærmare pasienten.
- Helse- og omsorgsdepartementet har ikkje gitt dei regionale helseføretaka oppdrag som går meir direkte på å vurdere effektar av å flytte spesialisthelsetenester heim.
Tilrådingar
Vi tilrår at Helse- og omsorgsdepartementet
- sørgjer for å auke kunnskapen om effektar av digital heimeoppfølging og om måla med å flytte spesialisthelsetenester heim blir nådde, slik at helsetenesta innfører tenesteformer som har ein ønskt effekt på ressursbruk og behandlingskapasitet
- følgjer opp at statlege verkemiddel støtter godt nok opp under samarbeid mellom helseføretak og kommunar om å flytte tenester nær pasienten. Det inkluderer også å leggje til rette for enklare tilgang til styringsdata som gir høve til å sjå samla effektar når helseføretak og kommunar samarbeider om tenester
- følgjer opp om innretninga av finansieringa i tilstrekkeleg grad stimulerer til å ta i bruk digital heimeoppfølging
- vurderer om det er heildigitale tilbod som kan vere eigna å samle og tilby nasjonalt
Vi tilrår også at departementet sørgjer for at dei regionale helseføretaka
- set i verk tiltak for at alle sjukehusa tek i bruk moglegheitene for å flytte tenester nærare pasientar ved hjelp av teknologi der dette har ønskt effekt, og særleg følgjer opp dei som i liten grad tilbyr slike tenester
- legg til rette for at sjukehusa kan samarbeide med kommunale helsetenester om å tilby spesialisthelsetenester nær pasienten ved hjelp av teknologi
Ferdig behandla av Stortinget
Les meir på stortinget.noSpørsmål?
