Dokument 3:14 (2024−2025) / Offentliggjort Arbeidet til styresmaktene med samanhengande digitale tenester
Arbeidet med livshendingane har i liten grad gitt innbyggjarane betre samanhengande digitale tenester. Usikker finansiering og dårleg samordning er hovudproblema.
-
(PDF, 1,54 MB)
Last ned fullversjon
-
(Video fra 11.06.2025)
Sjå riksrevisors presentasjon
Kort bakgrunn
- Tenestene frå det offentlege skal være samanhengande og heilskaplege, uavhengig av kva for ein verksemd du er i kontakt med. Slik blir kvardagen enklare, særleg for menneske i ei sårbar livssituasjon.
- Sju livshendingar skal prioriterast i arbeidet med å lage brukarvennlege digitale tenester. Vi har undersøkt fire av dei: sjukt barn, miste og finne jobb, dødsfall og arv, og starte og drive ein frivillig organisasjon.
- Undersøkinga omfattar perioden 2019 til 2024.
Overordna vurdering
-
Ikkje tilfredsstillande
-
Kritikkverdig
-
Sterkt kritikkverdig
Det er ikkje tilfredsstillande at
- det ved utgangen av 2024 i liten grad er realisert effektar for brukarane av arbeidet med dei fire undersøkte livshendingane
- det er ein risiko for at fleire av minimumsløysingane som er utvikla, ikkje blir sette i drift eller utvikla vidare
- samordning og styring av arbeidet med livshendingane ikkje har fungert godt nok til å løyse kjende utfordringar på tvers av sektorar
Konklusjonar
- Styresmaktene har mykje innsikt i kva brukarane treng, men får ikkje realisert det.
- Nokre nye digitale løysingar er under utvikling, men dei fleste er ikkje satt i drift enno.
- Arbeidet er jamt over forseinka.
- Det har vært og behov for å gå gjennom regelverket og avklare eventuelle endringar.
- Endringar krev samarbeid mellom aktørar frå ulike sektorar.
- Det tar tid å få avklart korleis personopplysningar skal behandlast. For å kunne dele og bruke personopplysningar må ein ha heimel.
- Digitaliseringsdirektoratet har finansieringsordninger for utviklingsfasen, men ordningane er ikkje godt nok tilpassa tverrgående digitale prosjekter.
- Det er krevjande å få ulike aktørar til å bidra til å finansiere videre drift av utvikla digitale løysingar
- Pengar er brukt til utvikling av digitale løysingar, men videre finansiering er usikker og dermed kan prosjekta stoppe opp.
- Digitaliserings- og forvaltningsdepartementet koordinerer digitaliseringa av offentleg sektor.
- Samarbeid på tvers er en føresetnad for å lykkast med samanhengande digitale tenester. Brukarbehova går på tvers av tradisjonelle ansvarsområde.
- Livshendingane er ikkje godt nok forankra eller prioritert høgt nok hos dei ulike departementa og verksemdene som jobbar med dei.
Tilrådingar
Riksrevisjonen tilrår at Digitaliserings- og forvaltningsdepartementet forsterkar arbeidet med å få på plass dei heilskaplege samanhengande digitale tenestene som gir mest nytte for brukarene og samfunnet, mellom anna ved å tydeleggjere forventingar til dei andre departementa om at det skal leverast digitale samanhengande tenester til brukarane.
Vi tilrår også at departementet sørgjer for at verkemidla vert innretta slik at dei støttar betre opp om målsettingane, mellom anna at:
- Digitaliseringsdirektoratet si rettleiing i større grad vert tilpassa prosjekta for utvikling av samanhengande digitale tenester sine behov.
- dei finansielle ordningane si innretning i større grad vert tilpassa tverrgåande utviklingsprosjekt.
I tillegg tilrår vi at departementet forsterkar arbeidet med å sikre at dei samanhengande digitale tenestene som er utvikla får nytte for brukarane og forvaltinga, gjennom:
- pårekneleg finansiering for å få nødvendig overgang frå utvikling til vidare drift av løysingar som går på tvers av sektorar.
- å følge opp vidare utvikling av løysingane som er nødvendig for å kunne ta ut forventa gevinstar.
Til behandling i Stortinget
Følg saka videre på stortinget.noSpørsmål?
